tirsdag 8. desember 2020

Målet i Lom og Skjåk

14 år etter at fyrsteutgåva kom ut har vi no gleda av å vere involverte i nyutgjevinga av dette eineståande verket.

Nettbestilling:

Du kan bestille boka frå Lom og Skjåk dialekt- og mållag som nettbestilling på fylgjande måte:
  • Klikk på og opne dokumentet som det er lenkja til her:
    Bestillingsskjema for Målet i Lom og Skjåk
  • Fyll inn namn, adresse, e-postadresse, telefonnummer, tal på bestilte bøker, totalsum (bok+porto), om du har vippsa eller overført pr. bank og kven som har utført betalinga.
  • Vipps til 639768 eller betal til kontonr.: 2085.30.30768

Prisar

  • Pris pr. bok kr. 450,-
  • Porto kr. 100,- for 1 bok og 150,- for 2 til 6 bøker
  • Maks. 6 bøker pr. handel
Siste frist for nettbestilling er 15.12.20.
Bestillinga blir sendt når betalinga er registrert.

Elles kan du få kjøpt boka hjå:


  • Skjåk: Akantus i Skjåk kjøpesenter, Extra Skeimo, Coop Marked Bruvoll, Skjåk folkebibliotek/Skjåk Historielag
  • Vågå: Vågå Bok og Leker
  • Lom: Extra Lom, Kiwi Lom, Loarutsalet, Coop Marked Bøverdalen
  • Otta: Norli
  • Vinstra: Norli 

Du finn meir informasjon på facebooksida til Lom og Skjåk dialekt- og mållag.



onsdag 15. juli 2020

Norgesferie - turist i Innlandet


Vil du dele eit ferieminne?
Turisme og reiseliv er ei viktig næring for Innlandet. Opplandsarkivet har arbeidd med dette temaet nokre år - først gjennom publikasjonen "Oppland - tidenes reisemål", og no med den digitale fotoutstillinga "Norgesferie - turist i Innladet. 
Fotoutstillinga vil handle om feriereiser i Innlandet frå 1800-tallet og fram til i dag. Det er viktig for oss å formidle samtidshistoria, og denne sommaren er det norgesferie som gjeld for mange. Innlandet kan by på flotte attraksjonar og opplevingar, og vi håper at mange vil få gode ferieminne som kan delast i fotoutstillinga «Norgesferie - turist i Innlandet».  

Ynskjer du å bidra til utstillinga med ditt feieminne frå Innlandet, kan du sende bilde til Opplandsarkivet på: 

  • E-post: sekretariat@opa.no
    eller du kan kontakte sektretariatet:
  • Tlf: 97 13 11 42
God sommarferie i Innlandet :)


mandag 3. februar 2020

Skjåkkalenderen 2020 med nytt opplag


Mange har kontakta oss om Skjåkkalenderen 2020. Vi har trykt opp 50 nye kalendrar som no er i sal hjå Akantus på Skjåk Kjøpesenter.


Kalender nr. 36

Det er Skjåk Historielag og Opplandsarkivet avd. Skjåk som gjev ut dei populære kalendrane. Årets kalender er ei spesialutgåve med bilete etter Knut Hol som var sokneprest i Skjåk frå 1949 til 1963. Alle tidlegare kalenderbilete har vore i svart/kvitt, årets kalender har fargebilete.
Det er mange artige bilete i årets kalender.
Foto: Knut Hol



fredag 22. november 2019

Flyfoto frå Skjåk på nettet


I 1963 gjennomførte Widerøe flyselskap ei fotografering av gardar og tettstadar i Skjåk. Skjåk kommune fekk i si tid høve til å kjøpe dette materialet.

I dag er det plassert i Fylkesarkivet på Lillehammer, og det er der negativa er skanna. Skjåk historielag har fått løyve til å legge ut bileta. Historielaget har gått i gjennom desse registreringane og retta opp feil og manglar. Når du er inne på sida kan du ved å peike på biletet sjå namnet på staden som er avbilda. I tillegg kan du søke på garden eller  staden i søkefeltet på toppen av skjermbiletet.

Flyfoto frå 1963 av garden Lindsheim